您的搜尋結果

購買村屋前的十大注意事項

作者 Lam Ken on 2019年01月08日
| 0
購買村屋前的十大注意事項
5 (100%) 2 votes

現今好多人購買村屋通常都係為咗更大既空間, 有花園, 寧靜, 可以養寵物等等. 因為市區既私人樓宇越出越細, 但係越出越貴. 現在香港人買樓既平均呎價都起碼要$14,000, 所以好多住係市區既人都會寧願搬入去新界, 相對下比較便宜既呎價, 比較寬闊既生活空間. 加上現在交通發達, 只需要數十分鐘西鐵同巴士都通通可以輕鬆到達市區. 想寧靜時可以寧靜, 想熱鬧先可以熱鬧, 仲可以叫埋成班朋友去自己屋企燒烤開party, 仲有咩理由唔會考慮搬入村屋?

雖然住村屋有住村屋既好處, 但係住村屋好多問題都不容忽視. 住村屋同私樓最大既分別就係住村屋好多問題都要自己去處理, 例如家居安全問題, 倒垃圾, 地方泊車問題…  搬入村屋前一定要搞清楚你將來會遇到既問題,
以下係其中10項我遇到既問題同大家分享

  1. 查明路權 (官地/私家地)
  2. 僭建物
  3. 環境問題
  4. 吸化糞
  5. 村屋泊車
  6. 大件傢俬樓梯唔夠位入
  7. 手機訊號
  8. 上網問題
  9. 垃圾問題
  10. 鄰居關係

1.查明路權 (官地/私家地)

當你買村屋之前一定要查明路權,因為村屋既道路有可能係私人土地,其他人係無權使用,如果要使用的話就需要繳付過路費. 所以買家應該要係買村屋之前先向業主查詢。曾經有數十宗事件關於有人租了數十幅面積小的祖堂地,然後尋找目標索取過路費。然而因為土地使用者有權擺放自己既任何物品,係法津上唔會被當成勒索。新界村屋土地複雜,如無意外都會涉及路權既問題。所以一定要問清楚! 或者可以從地政總署的規劃圖查證,買家亦可交律師代為查證,確保村屋有否路權及日後需否繳付過路費。

Image may contain: mountain, sky, tree, outdoor and nature

2.僭建物

買村屋之前一定要查清楚有無僭建物,因為會影響申請按揭,違例既僭建物需要拆除,無視警告拒拆會被罰款同埋可能被判入獄。僭建物普遍係一啲未獲批既構築物,例如: 圍封露台、天台玻璃屋等。所以買家同賣家一定要係簽約前商討清拆費係邊一方負責。

僭建物的圖片搜尋結果

3.環境問題

就算村屋環境景觀開揚,但無人可以保證到將來附近唔會起村屋,所以留意買村屋前其他土地既用途,地政署既資料可以幫到你。

Image may contain: sky, outdoor and nature

4.吸化糞

大部分或者舊式啲既村屋地下都會有一個化糞池,唔想滿瀉就需要搵師傅定期黎檢查同吸糞。最好就好好保養個廁所,唔好倒廚餘落廁所,隔幾個月甚至一年先吸都無咩大問題。如果化糞池開始發出臭味就一定需要去清理,或者間中落啲廚餘清潔劑,加快化解化糞池垃圾。

吸化糞的圖片搜尋結果

5.村屋泊車

住村屋固然就無住私樓交通咁方便,多數住得村屋就一定會有車輛出入,車位問題就成為買村屋既重要考慮因素。因為唔係每一間村屋都設有車位,儘管可能業主話可以泊係門口或附近,有關車位都可能無入契。所以係買村屋之前一定要查清楚可以泊車既地方。

Image may contain: mountain, sky and outdoor

6.大件傢俬樓梯唔夠位入

首先村屋係無升降機,所以一定要靠樓梯出出入入。如果你住中層或者三樓,一啲大型傢俬例如梳化、雪櫃、衣櫃、洗衣機、雪櫃等都需要係露台吊上去。所以係搬屋之前一定要同搬運公司商量好搬大型傢俬既額外收費係幾多。

當時梳化卡在樓梯,少女無力挽救。fb大埔群組

7.手機訊號

由於村屋多數屬於郊區位置,當你去到屋內某個位置就會收唔到訊號,所以可以先向香港既電訊商查詢你所居住既範圍收唔收到訊號。另外如果你屋企會睇電視既話就需要添加天線係天台,但係天台係屬於私人範圍,天台單位係有權唔批准你上天台裝天線,所以事前都要屋主溝通好!

手機訊號的圖片搜尋結果

8.上網問題

村屋上網速度一直都係好多人關心既問題,現今有一部分既村屋開始有光纖入屋,最高可以達到1000MB既速度。不過亦都有大部分既村屋只可以用電話線上網,得8MB既速度。如果想上網快啲可以選擇購買4G SIM卡ROUTER代替傳統上網,不過最好要選擇無限上網PLAN以防會用爆數據,而且需要諮詢電訊商既覆蓋範圍,以免買左個PLAN而用唔到。

上網問題的圖片搜尋結果

9.垃圾問題

住村屋唔同住私樓,村屋唔會有人幫你處理垃圾,所以需要自己親自到食環署負責管理既中央垃圾收集站。有部份既大型屋苑會提供垃圾處理服務,但需要繳付垃圾處理費用。

垃圾站的圖片搜尋結果

10.鄰居關係

無論住邊到都好,最好都同鄰居打好關係,有啲咩事都有鄰居照應。如果住係村,同隔離鄰舍打好關係出入都唔會面阻阻。

Photo of Orange, Yellow, and Red Hello Molding Clay

如對村屋有興趣,歡迎聯絡我們 – 上善置業 “您的村屋專家”

其他更多村屋
每週村屋資訊

參考村屋成交
更多成交數據

Related Post

Comments

comments

留言回覆

您的電子郵件地址將不會被公開

Call Now Button
分享
分享