您的搜尋結果

聖誕外遊 村屋防盜貼士(附警務處建議)

作者 Eddie Lee on 2016年12月14日
| 0
3.3kviews

fb

聖誕唔少人準備外遊,開心之餘亦要注意保安問題。村屋唔似市區樓,無保安、小路多、少警察巡邏,好似成為匪徒目標,早幾年就連高級警司都中招,裝咗警報器都無用,成個夾萬畀人抬走!


小心假收買佬

廣告都有話,賊仔取易不取難,佢哋好多時都會「踩線」搵目標先。收買佬就係賊仔其中一種中意扮嘅職業。想辨別真假收買佬,不妨隨口問吓佢收唔收某啲電器,因為有村長提過遇到「收買佬」「問他雪櫃要不要?他不要,冷氣機又不要,一入村隻眼就四圍望。


窗花要入牆

04fba7p

通常賊人入屋,都不外乎門同窗(仲有其他咩其實?),門用實心硬木門加把靚鎖,會比較安全。而窗花就揀入牆窗花,增加匪徒爆窗嘅難度。仲有,露台門揀唔可以喺外面開啟嘅設計。


防盜門/窗磁配IP-CAM

t1216kftbxxxxxxxxx_2-item_pic-png_400x400

防盜門磁算「歷史悠久」,開啟後一旦門、窗被打開,就會響警報。近年有廠商更將防盜門磁配合IP-CAM,一旦門磁啟動警報,就會開啟多組IP-CAM進行錄影,並發送短訊通知。


「你已經被包圍」

呢個就係嚟自警方嘅建議,裝個有動作偵測嘅室外照明設施,有人行過就開燈。其實聽落都幾好玩,如果加多個揚聲器,開燈時候播多句「你已經被包圍」,個賊個心應該嚇到離一離?


夾萬要入地

750085eab59db131a867e59dfd9d6dfd

天下武功唯快不破,前面提過嘅警司中招單嘢,就係雖然警報器響咗,但賊人夠快手,即時抬走夾萬,逃去無蹤。如果個夾萬入地入牆,就可能保得住。


小財就唔好慳

如果村屋自住,有啲錢就唔好慳喇,其實一個簡單個人嘅全套保安系統,入場費都係一萬蚊度,同萬一出個事唔見幾十萬,真係蚊髀同牛髀。


警方建議:

•理想的圍欄或圍牆應最少有1.8米高,並以鐵絲或尖刺覆蓋。
•裝備擁有動作偵測功能的室外照明設施,任何人接近就會自動亮燈,賊人不敢妄動。
•鐵閘門框須固定於外牆上,而鐵閘格柵之間空隙應盡量狹窄。
•應採用最少50毫米厚的實心硬木門,而大門最少須裝上一把優質防盜門鎖。
•應考慮採用門鉸閂,當門關上時,鉸閂會完全嵌入門框的洞內,避免門鉸外露。
•窗戶應裝上優質而合適的窗鎖;如果喜歡把窗戶打開,便應安裝窗花或鐵枝,並牢固地嵌入牆內。
•確保露台的門不能從外面開啟。
•可在渠管上加裝鐵絲網或鐵刺,在渠管上髹上防止攀爬的油漆。
資料來源:香港警務處

Call Now Button
分享