您的搜尋結果

村屋天台專利:太陽能熱水爐幫你暖笠笠過冬天

作者 Eddie Lee on 2016年11月23日
| 0

bath開始涼喇開始涼喇,天文台預測未來9日約莫都係14-19度。咁嘅天氣,有乜舒服得過暖笠笠嘅熱水涼呢?有,咪就係一個又慳錢、又環保、又暖笠笠嘅熱水涼囉。若果住三樓連天台嘅村屋,裝個太陽能熱水爐,自己爽,地球都一齊爽。

雖然太陽能熱水爐安裝費就一定比較貴,但小數怕長計,之後個個月電費慳少少,好快就回番本。有西貢村民就話裝咗太陽能熱水爐,個個月慳兩百,「我哋一家五口、兩個廁所用,應該兩年都回到本架啦!」雖然唔係個個夏天都會沖熱水涼,可能慳少咗,但其實夏天一樣可以用熱水洗碗,除咗熱水會加強洗潔精嘅化學作用,變相慳洗潔精錢,仲會有護手嘅作用!

你可能會問,如果連續幾日天陰陰,個太陽能熱水爐會唔會唔夠力煲熱水?其實一般家用太陽能熱水爐,個儲水箱都有輔助加熱器,太陽能唔夠,就可以用電力或燃氣補充

bath

如果真係有興趣裝太陽能熱水爐,首先當然要去屋宇署網頁,睇清楚豁免條件、機電工程署嘅《在村屋安裝的家庭式太陽能熱水系統指南》,同埋必須事先取得屋宇署、地政總署及水務署的同意

 

Call Now Button
分享